講起以前做工的一些有趣的逸事, 忽然又想起一精句跟大家分享....

話說當年我仍在某大 shipping 公司工作的時候, 經常要跟貨櫃碼頭的同事打交道, 邊隻船到幾時到站, 客人幾時要貨櫃, 幾多呎櫃, 一一都要知清楚 ; 因為要出 shipping bill及提貨單..等~~~

有一次, 因為唔知何解會搞錯了 shipping bill 上一些資料, 對與錯都唔追究, 突然碼頭的同事彈咗一句 : "屎坑點燈.." ~~跟住有同事問什麼 "屎坑點燈" 吖?? 個位同事摸不著頭腦之際, 碼頭的同事解釋 : "屎坑點燈" 即係 "找(屎)死" 囉~~~ 聽完佢的解畫之後, 當堂成班同事笑到碌咗落地下...哈哈!!

當年的人就係這麼真性情, 真個性.....

無聊聊上 youtube 睇下有乜好睇, 居然俾我揾到呢個超經典 video....

呢個 mv 當然係 albert 喇...哈哈!!  唔知各位(albert) 蕃薯睇完之後, 有乜感想...呵呵~~

又一則來自我手寫日記的趣事....

成日都有朋友問我, 老公同偶像愛邊個多啲 wor?! 呢個咁鬼難答的問題, 我都唔知點回答, 要 make 一個 definition between 老公 and 偶像, 就真係苦咗我呢個人地老婆兼超級 fans...

首先老公係我最愛的人之一, 我唔鍾意佢, 點同佢結婚生兒育女?! 況且我同老公係一生一世的伴侶....

至於偶像 (Albert), 佢亦都係我最喜歡的人之一, 不過我只係欣賞 Albert演藝方面的成就, 亦因為我喜歡民歌, 所以我好欣賞 Albert 對民歌的堅持, 我只會尊重他, 而不會作任何幻想....

我的 definition 就係咁多, 最唔鍾意就係解釋架喇! 解釋即係掩飾, 只因為唔想講多錯多, 信不信由你~~~ 

今日忽然心血來潮, 揾番我一年多前的手寫日記來睇一下, 這件事係發生在 06年 某月某日的一個早上, 至於幾多點唔記得囉!!

話說: 有日我揸車路經九龍某區, (不過唔開估...嘻嘻) 喺一個交通燈位停下來的時候, 在等候轉燈之際, 無無聊聊的左望右望, 忽然見到隔離行車線有一位司機面孔吸引住我, 仲係我非常熟悉的面孔, 這個並不是別人, 仍係我至愛的偶像 Albert (區瑞強)!! 當我見到佢, 簡直唔相信自己的眼睛, 目不轉睛的盯著他, 本來想跟 Albert say 個 hi, 但交通燈已經由紅色變為綠色, 要開車了, 不過我係轉彎, 佢係直行, 就此跟偶像短短一, 兩分鐘的時間偶遇.... 都唔知係咪真係有緣相遇定係搞嘢, 真係以為自己眼花睇錯嘢添~~哈哈!!

不過有幸能夠跟偶像如此相遇, 唔通係天意....呵呵~~~