今日偶而打開信箱睇下有冇銀行信, 電費單之類的東西, 當我探頭望過去的時候, 竟然發現咗一封回信, 呢封唔係普通的回信, 而係我喺世界宣明會, 助養咗一個印度小朋友的回信吖...真係好開心喲~~ 一份來自遠方的禮物!!

上圖 :--寄自世界宣明會@新加坡郵政信箱

上圖:-- 當地(印度)自願工作者代筆信

因為小朋友太細個, 所以要揾個大人幫佢回信俾我, 內容大致:--

小朋友名叫 : Parveen Saba, 佢好勤力讀書, 跟同學相處愉快, 佢鍾意聽荷里活的音樂(外國的歌), 同時佢同家人想要我一幅近照,  佢跟屋企人都好開心收到我的信, 同時可以助養佢地的女兒...

上圖:--佢仲喺信度畫咗個公仔添吖... 真係令我好感動! 一個純真小朋友畫的圖畫, 係多麼童真.... 好祈望大家可以 keep in touch 就好喇....

今日又是一個太陽高高掛的日子, 不過有時會洒一陣驟雨, 可以舒緩一下悶熱的感覺, 不過依然令你汗流浹背....好熱吖!!

今日亦都係我至愛的偶像 (區瑞強) 至愛教室(青衣分校) 開幕的日子..., 身為 fans 的我一定要同志同道合的朋友, 到賀兼撐場喇...呵呵~~

♥上圖:-- 至愛教室(青怡花園商場)

♥上圖:-- 櫥窗課程簡介

今日忽然拎起買咗好耐嘅書睇下, 書名叫 “開心, 放開心”, 我覺得本書用咗一個佛學嘅角度去看這個世界......

試摘錄其中一段給大家欣賞:--

明天又係一年一次嘅父親節了, 各位孝順仔女, 如何計劃同父親慶祝? 其實除了母親之外, 都要孝順父親 gor 嘛, 爸爸辛苦搵錢養妻活兒, 都要報答一下囉...呵呵~~

祝各位父親都父親節快樂! Happy Father's Day to everydad in the world!!

今日超唔開心吖.. 今朝同老公嗌交, 至於咩事, 唔好不再提喇, 忽然喺腦海閃咗兩個字出嚟..(離婚), 在這一刻我覺得唔可以同佢一齊生活下去, 好想離婚, 不過有個問題:-- 就係阿仔;  如果我地離咗婚之後, 阿仔會跟邊個呢? 因為離婚對小朋友的成長影響好大, 甚至對佢將來會有莫大影響,  呢一刻我真係唔知如何是好.... 

我個心已死了一半了, 另外個半好混亂, 有冇人來打救我吖...~~