以上的並非一張枱, 而係洗手間入面的一張比人坐的凳...

今日行過九龍灣某個地鐡上蓋商場的時候, 因為人有三急要幫襯商場既洗手間, 唔入由自可, 一入到去簡直眼前一亮, 嘩的一聲~~

原來呢個商場將 d 洗手間煥然一新之餘, 仲可以有凳比你坐; 這個商場真係落足本錢, 我心裡頭想, 地鐡一年賺咁多錢, 梗要有些要回饋比 d 客人既...呵呵

當我方便完畢之後, 忍唔住拎起個手提電話拍照功能, 將佢影底落嚟... 地鐡為顧客服務之餘, 仲照顧埋客人的方便;  真係佩服地鐡個 d 高層人士的頭腦, 真係想得周到,  唔怪之地鐡公司被選為 2006年度我最喜愛上市企業喇... 真係要向地鐡致敬囉~~哈...哈

今日收拾東西的時候, 忽然找到有張 "莫生氣" 的籤言咭, 忘記了何時何地取下了....

人生就像一場戲, 因為有緣才相聚;  相扶到老不容易, 是否更該去珍惜;

為了小事發脾氣, 回頭想想又何必; 別人生氣我不氣, 氣出病來無人替;

我若氣死誰如意, 況且傷神又費力; 鄰居親朋不要比, 兒孫瑣事由他去;

吃苦享樂在一起, 神仙羨慕好伴侶..

我覺得上面所寫所說的, 全部都是我們人生道理, 字字珠璣; 我們有緣份才可以相聚一堂, 有時別人生你的氣, 你又去生他的氣; 真的氣來氣去, 對自己沒益處的同時, 更傷了彼此的感情; 為了一些很少的事去發脾氣, 那又何必呢!! 無謂又費神, 忍一下氣, 又不會死掉的! 還有的說不要跟別人相提並論, 別人的成就是他努力得來, 你自己不努力, 又去羨慕別的, 真的不要的! 與其是這麼, 不如知足常樂, 發少一點睥氣, 一切隨缘吧!

近日真是不知道該寫些什麼上 blog, 好似腦梗塞咁樣, 上個星期至剛抄完車, 又要報警, 又要報 insurance, 好鬼煩呀...~~>.<

有個 blog友兼網友, 說我是個懶骨頭, 沒 update 個 blog; 近日心情不大好, 不知道應該寫些什麼;  不過她都係一個大忙人, 全職工作, 仲係兼職阿媽..(孩子都長大了) 沒什麼掛慮, 只係有時忙裡偷閒寫 blog...

今日早上的起心肝去寫 blog, 証明了心情都平復不少, 希望以後唔好再有交通意外喇....就阿彌陀佛囉!!

前日在調景嶺地鐡站乘地鐡去九龍塘的時候, 坐在我對面的一個外國人, 他的廣東話居然講得很好...

當日送了仔仔返學之後, 乘地鐡到九龍塘, 歎一杯熱騰騰的咖啡, 當在觀塘線總站上車,  所有乘客都各自找位子坐下來;   剛巧這個外國人就是坐在我的對面.

本來無什特別的一個外國人, 剛巧在途中他的手提電話響起了,  唔講電話尤自可, 一講之下, 間接聽到他的廣東話非常流利, 這一下子真令我目瞪口呆; 心裡想好一個外國人的廣東話可以如此流利, 可能他在香港出世, 又或者他有語言天份, 可以學得這麼好; 在我所識得既外國人, 一部份覺得廣東話好難學, 因為廣東話的發音, 相比起英文的 26個英文字母, 將所有分別字母拼成一個字, 發音易得多; 但中文字的發音唔同, (平, 側, 去, 入), 對他們來講, 真的不易為的;  而且中文係一個四方字, 英文通常都係一個長方形字組合,  寫英文比寫中文來得容易, 對他們來講中文係有一定難度.

真是心裡暗暗佩服他, 反觀現在中學生, 甚至大學生, 不要說叫他們講英文, 就是講中文都有懶音, 這些情況我也不知道該說些什麼了...唉!!

今日翻開報紙看到頭條: 有銀壇鐡漢之稱的曹達華病逝....終年九十二歲

呢位為人熟悉的曹探長, 曾經做過探長的角色, 當我仲年紀小的時候, 我都常常見到他在電視上演出, 比較深刻印象的, 就是電影 "如來神掌"裡面既龍劍飛, 他的必殺技如來神掌第十式  "萬佛朝宗", 真是令我印象很深... 那個時候我仲未知道他叫什麼名字, 後來問我外婆, 至知道他叫曹達華....

聽我外婆講佢曾經好有錢, 不過就係一個 "賭" 字令他由富變貪, 佢一晚可以輸咗 10 億身家....   woow~~好多錢呀!...因為個陣時物價指數唔係太高, 一萬元可以買一幢樓喇, 又或者一條街都得囉!! 如果個陣時既十億身家, 真係有錢過李嘉誠喇...呵呵

曹探長, 我地永遠都會懷念你的....