近來走去學番壁球, 好耐冇拎起支壁球拍啦...

記得十幾年前跟教練學壁球, 連拿起支拍都唔係好掂, 學咗一段時間之後, 可以打得好順暢, 仲要約埋三五知己, 去 book 場打波添, 不過先從自己移民了去加拿大之後就冇打喇~~ 而家再捨番起支壁球拍, 起初覺得好陌生, 但學了兩堂之後, 已經同支球拍熟絡了不少,  教練話我打得好好, 佢問我係咪之前學過, 我告訴他說 "係" 以前學過, 但十幾年冇拎起支球拍, 教練說 "你要多點練習, 自然會 catch up 番" 咁又係, 熟能生巧, 一點都冇錯既~~呵呵

我家的小戰士真的長大了, 由他出世到現在, 轉眼間已經十個年頭了,~~~

初期懷胎十月真的好辛苦,  每日都要做一下舒展運動, 防止雙腳抽筋~~ 終於現在小戰士已經十歲啦~~ 由他小時候每天都在撒嬌, 要媽媽等他睡著以後, 才能離去, 直到現在他不用媽媽陪伴在側, 都可以自己照顧自己, 感到好欣慰~~

近日真係發生好多事, 連自己都此料不及, 首先就係我有個朋友剛同前夫離婚, 只因為個男人有第三者, 仲要來往咗一段時間添~~嘗試去力挽狂爤,  但係人家個心已經變了,  都冇辦法之中既辦法, 就係分開~~走去開解一下佢,  而家她已經開心咗好多, 睇開了, 好替她開心~~

但話口未完, 老公又得咗直腸癌,  經過三個月的電療和化療, 前個星期入了醫院做手術, 割除了腫瘤, d 癌細胞大部份都殺死晒, 真係好開心~~~